تامر حسني مصاب بالاكتئاب.. ويتحدث عن الأسباب

جفرا نيوز - نشر الفنان تامر حسني عبر حسابه الخاص في "إنستغرام" مقطع فيديو كشف من خلاله عن تعرّضه ومعظم الأشخاص للاكتئاب بسبب الأحداث الدامية في غزة، وشعوره بـ "طنين في الأذن"، وكيفية علاج هذه الحالة.

وعلّق تامر على الفيديو قائلاً: "صباح الخير معلش هو موضوع بره الأحداث اللي بنعيشها شوية بس مرتبط ارتباط نفسي... الفترة دي زادت الشكوى عند ناس كتير بسبب الاكتئاب والحزن من الأحداث الحالية أو غيرها والحقيقة إني واحد منهم الاكتئاب ده ممكن يبقى سبب في حاجة اسمها "طنين الأذن" وممكن تيجي برضو من حاجات تانية والتعب ده هو إن الشخص فجأة يسمع صفارة أو ما يشبه في أذنه طول الوقت ومش بتروح أبداً وملهاش علاج وناس بقالها سنين كتير بتعاني منها وعايشين بيها".

وأضاف: "الحقيقة الڤيديو ده ممكن يبقى سبب في علاج ناس كتير إن شاء الله... أرجوكم أرجوكم ابعتوه لكل الناس عشان ممكن حد من حبايبكم يكون عنده وإنت متعرفش ده غير طبعاً أهالينا في غزه الله يكون في عونهم من كده وأكتر".

واختتم تامر حسني الفيديو بالقول: "هي طريقة علاجية سهلة هتتعمل زي ما في الفيديو ممكن تخفّوا من أول مرة وممكن تكرروا الطريقة دي 8 مرات لو بتتحسن كرره كل يوم لحد ما تخف تماماً ولو جسمك مستجابش للطريقة دي خد الحل الثاني أدوية ڤيتامين zinc وmilga ومع الوقت هيتحسن إن شاء الله... اللي خلاّني أكتب عنه إن بعض الدكاتره بيصنفوه إنه مالوش علاج وعلى المريض إنه يتعايش معاه طول عمره والطريقة دي بالفعل جابت نتيجة عظيمة الحمد لله... يبقى حرام عليا لو منشرتوش... طبعاً كل واحد يرجع لدكتوره لو حابب وربنا يشفي الجميع ويحفظ غزه وأهل غزه وبرضو هفضل ادعي وأقول معجزه من عندك يارب".