نوبانيز- وكالات

04-07-2019

مش قلنالكم سوق الإنتقالات هاد عنوانه "الحنين إلى الماضي"؟ هاي تشلسي أعلن إنه مدربه الجديد هو لاعبه ونجمه السابق فرانك لامبارد، اللي كان بدرب فريق ديربي كاونتي في الدرجة الثانية وقدر يوصل معهم لمباراة الصعود للدوري الممتاز بأول موسم إله معهم بس خسرها قدام استون فيلا، بس بغض النظر شكله كمدرب مبشر!

جماهير تشلسي تقريباً إجتلها سكتة قلبية من الفرحة، وكيف ما يفرحوش وهم شايفين إبن النادي واللاعب اللي قضوا معاه 13 سنة من عمرهم وهو راجع عالنادي.

النادي نزل تويتة للامبارد وهو بوقع العقد أبو الثلاث سنين اللي أعطوه ياه وكتبوا عليها "عاد إلى المنزل!" والله من كثر الحنين الواحد حاسس إنه حيفتح يلاقي خبر إنه بيكهام وفيجو رجعوا لمدريد وجيجز رجع على مانشستر يونايتد والعقيد أبو شهاب رجع على حارة الضبع!

الغالي رجع على التشلسي!!